Абай облысында мұғалім оқушы қызға тиісіп, денесіне қол жүгірткен, деп хабарлайды ALASH.KZ.
Оқушы мен оның заңды өкілдерінен мұғалімге қатысты ресми шағым түспеген.
Әлеуметтік желілерде мұғалімнің оқушы қыздың құлағы мен мойнын ұстаған сәті түсірілген видео тарап жатыр.
Білім басқармасының хабарлауынша, бұл видео 2023 жылы түсірілген.
“Мұғалім жалпы білім беретін мектепте 2020 жылдың 1 қыркүйегінен 2024 жылдың 6 наурызына дейін жұмыс істеді. Ол негізгі қызметкердің декреттік демалысы кезеңіне қабылданған болатын. 2024 жылдың наурызында еңбек шарты қызметкердің өз бастамасымен басқа қалаға көшуіне байланысты тоқтатылды”, – деп мәлімдеді ведомство өкілдері.
Қазіргі уақытта видеодағы қыз бала сол жалпы білім беретін мектептің 9-сыныбында оқып жатыр.
