Қылмыстық ортада "Серік Голова" атымен танымал Серік Жаманаев қамауда көз жұмды. Бұл туралы Қылмыстық-атқару жүйесі комитеті ресми ақпарат таратты, деп жазады Alash.KZ.
Ресми деректерге сәйкес, Жаманаев 2024 жылдың желтоқсанында түзету мекемесіне жеткізілген. Түрмеде медициналық тексеруден өткен ол үшінші сатыдағы бауыр обыры диагнозымен есепке алынған. Осы уақыт ішінде ол тұрақты бақылауда болып, бірнеше рет медициналық мекемелерге жіберілген.
2025 жылдың 8 сәуірінде ол көпсалалы онкологиялық ауруханаға жатқызылғанымен, дәрігерлердің күш салуына қарамастан 25 сәуірде көз жұмды.
Серік Жаманаев 2021 жылы ауыр қылмыстар жасағаны үшін 19 жылға сотталған болатын. Қазіргі уақытта бұл оқиға бойынша қосымша тексеріс жүргізілуде.
