Пермь өлкесіндегі өмір бойы сотталғандар колониясында 11 адамды өлтірген қылмыскердің 11 тісін жұлып тастаған, деп хабарлайды ALASH.KZ.
SHOT деректеріне сәйкес, осындай талап арыздардың бірін Мәскеу мен облыс аумағында 11 адамды өлтірген Тельман Сайфиев есімді қылмыскер берген.
Қазір ол Соликамск қаласындағы «Ақ аққу» (орысша «Белый лебедь») атты өмір бойына сотталғандар колониясында жазасын өтеп жатыр.
Сайфиев сотқа арыз жазып, тістерін емдеуден бас тартылғанын және протез салуға мүмкіндік берілмегенін айтқан.
Соңғы жылдары оның 11 тісі жұлыныпты. Оның айтуынша, тістері емделмей, тек қатты ауырғанда ғана жұлынып отырған.
Бұл жағдай 1999 жылдан 2019 жылға дейін, яғни 20 жыл бойы жалғасқан.
Бұдан бөлек, ол тағы бір талап арыз беріп, колония әкімшілігін коронавирус пандемиясы кезінде санитарлық талаптарды сақтамады деп айыптады.
Оның айтуынша, колония әкімшілігі оған және басқа да сотталғандарға маска тағуға рұқсат бермеген, соның салдарынан ол қатты ауырып қалған.
Сонымен қатар, оларды жұмысқа шығара берген, бұл өз денсаулығына қатер төндірді деп есептейді Сайфиев.
Осы екі талап арыз бойынша ол 600 мың рубль өтемақы талап еткен, алайда сот арыздарды тек жартылай ғана қанағаттандырды.
Колониядан 30 мың рубль өндірілетін болды.
