Атбасарда ер адам бесінші қабаттан құлап кетті, деп жазады Alash.kz ұлттық порталы.
Kris_p_astana Telegram-арнасының хабарлауынша, Ақмола облысының Атбасар қаласында 34 жастағы ер адам көпқабатты тұрғын үйдің бесінші қабатынан құлап түсті. Куәгерлер оның терезе алдындағы тақтайда ілініп тұрып, кейін төменге құлап кеткен сәтін видеоға түсіріп алған. Ер адамның неліктен пәтердің терезесіне шыққаны әзірге белгісіз.
Зардап шегуші аман қалды, бірақ жағдайы өте ауыр. Дәрігерлердің айтуынша, оның ішкі ағзалары зақымданған, басынан жарақат алып, травматикалық шок күйіне түскен. Дәрігерлер науқастың өмірі үшін күресіп жатыр.
Оқиға бойынша тексеру басталды. Барлық мән-жайлар анықталғаннан кейін процессуалдық шешім қабылданатын болады.
