АҚШ Президенті Дональд Трамп Truth Social әлеуметтік желісінде Иран жаңа ядролық нысандар салатын болса, олардың жойылатынын мәлімдеді, деп жазады Alash.kz ұлттық порталы.
Ол Иранның 3 ядролық нысаны бұған дейін толықтай жойылғанын айтып, олардың қайта қалпына келтірілуіне бірнеше жыл қажет болатынын жеткізді.
«Иран үшін бұл нысандарды қалпына келтіруден гөрі, 3 түрлі жерде жаңадан бастау әлдеқайда тиімді болар еді. Әйтпесе олар тағы да жойылады», – деп жазды Трамп.
Бұған дейін Иран парламентінің өкілі Эбрахим Резаи егер Иранға қарсы санкциялар жалғасатын болса, Тегеран ядролық қаруды таратпау туралы келісімнен шығуы мүмкін екенін және уран байыту деңгейін арттыратынын мәлімдеген болатын.
